Ushbu maktabda 251 nafar o‘quvchilarga 32 nafar pedagoglar ta’lim-tarbiya berib kelmoqda. Ularning 14 nafari oliy, 9 nafari birinchi, 7 nafari ikkinchi va 2 nafari mutaxassis malaka toifalariga ega. Pedagoglarning 12 nafari xalqaro sertifikatga, 2 nafari milliy sertifikatga ega. O‘quvchilar ham bir qancha nufuzli tanlovlarda hamda fan olimpiadalarida ishtirok etib, faxrli o‘rinlarni qo‘lga kiritib kelmoqda. Jumladan, 10-sinf o‘quvchilari Jalilova Sabina, Bozorboyev Rustam va To‘lqinov Shamshodbeklar PDP universiteti olimpiadasida ishtirok etib, har biri 12000000 so‘mlik grand sohiblari bo‘lishdi.

  10-sinf o‘quvchisi Akramova Umida ingliz tilini bilish darajasi B2 sertifikatini qo‘lga kiritdi. Ixtisoslashtirilgan ta’lim muassasalari agentligi olimpiadasida ham maktab o‘quvchilari faol ishtirok etib, viloyat bosqichida matematika fanidan 9-sinf o‘quvchisi Melsov Sarvar 1-o‘rin, fizika fanidan 10-sinf o‘quvchisi Turopov Mirjalol 2-o‘rinni qo‘lga kiritdi. Shu olimpiadaning Respublika bosqichida 10-sinf o‘quvchisi Turopov Mirjalol faxrli 1-o‘rinni qo‘lga kiritdi.

    Mehmonlar maktabda o‘quvchilarning sifatli ta’lim-tarbiya olishlari yaratilgan shart-sharoitlar bilan yaqindan tanishishdi.

   Press-tur yakunida jurnalist va keng jamoatchilik vakillari uchun matbuot anjumani ham tashkil etildi. Unda ishtirokchilar o'zlarini qiziqtirgan savollarga javob olishdi.

Navoiy viloyati Maktabgacha va maktab ta’limi boshqarmasi matbuot xizmati.