Kelajagimiz davomchilarini asrab-avaylash, har tomonlama barkamol qilib voyaga yetkazish har bir davlat, har bir oila, har bir ota-onaning burchidir.

    Sana munosabati bilan bugun viloyatimizdagi barcha maktabgacha ta’lim tashkilotlarida bayram tadbirlari tashkil etildi. Tarbiyachilar bolajonlarni sho‘x-shodon kuy-qo‘shiqlar, ko‘ngilochar o‘yinlar bilan kutib olishdi.

    Zarafshon shahridagi "Umid" nomli reabilitatsiya markaziga ega ko'p tarmoqli ixtisoslashtirilgan maktabgacha ta'lim tashkilotida “Bolalarga bering dunyoni” shiori ostida bayram tashkil etildi.

   Tadbirda shahar hokimi N.Raxmanov, Maktabgacha va maktab ta’limi bo‘lim boshlig‘i M.Tursunovalar ishtirok etib, bolajonlarning bayrami munosabati bilan o'zlarining samimiy tilaklarini izhor etdi.

   Bolajonlarga bayram sovg'alari ulashildi.

Navoiy viloyati Maktabgacha va maktab ta’limi boshqarmasi matbuot xizmati.